Titi
Wancine Wis Teka
Akeh
uwong ngaku pandhita.
Ananging atine cidra.
Ngaku paring sabda saka jawata.
Sajatine amung mburu bandha.
Titi
wancine wis teka...
Nalika kewan luwih aji tinimbang manungsa.
Manungsa kinunjara sajroning kothak kaca.
Bengak-bengok ngaruara tanpa swara.
Titi
wancine wis teka...
Wong ngguyu dibelenggu.
Wong sembahyang ditendhang.
Wong nguda-rasa diperkara.
Titi
wancine wis teka...
Wong udud dituntut.
Wong blaka dikunjara.
Wong tani dipateni.
Para juragan
padha nata negara.
Narapraja
lan satriya padha nyambiwara.
Para
sarjana dadi babu ela-elu.
Dene wong
sejati kaesi-esi.
Galo
tuwan menir ngingu srenggala.
Suk yen gedhe kareben memangsa encik, cina, jawa.
Bareng gedhe malah nyakot gulune tuwan landa.
Sang tuwan age-age ngangkat bedhil lan gada.
Titi
wancine wis teka...
Wong jawa
ra doyan sega.
Alas gung
daha ditanduri klapa.
Nandur
ing sawah thukule bandosa.
17 November 2015
Padmo Adi
Comments
Post a Comment